Shillong, Lber 23: Ka jingkhaii masi beain na Meghalaya sha Bangladesh ka jur eh ha ki jaka kiba khlem pat ker ksainar shiah namar dang ioh ban har laitlan ia ki masi sha katei ka ri lyngba ki khlaw ha ka por ba ki shipai BSF ki leit ban bam.
Katkum ki thymmei khubor kiba u SP News u la ioh jingtip la ong ba kane ka jingiakhaii beain na Meghalaya sha Bangladesh ka dei palat eh na ki jaka kiba khlem pat ker ksainar shiah bad ha ki jaka kiba la ker ki pyndon kam ia ki muri kiba don ha ki wah banphah ia ki mar khaii beain.
Ki nongkhaii beain ki don la ki jong ki briew ban peitsiar ia ka iaid ka ieng jong ki BSF namar ka long kaba eh ia ki BSF ban ieng shijaka, ki hap ban iaid sharum shaneng ban iaid pahra ha ka por ba ki kynriah jaka ha kata ka por ki phah ia ki mar khaii beain.
Ban ia khun pyrshah ia kane ka jingkhaii beain sha Bangladesh bad ban dang pynkhlian shuh shuh ia ka jingpahara ha khappud ka sorkar pdeng kala dang pynkhlain shuh shuh ia ki lat pahara ban pynthikna ba ki nongkhaii beain kin nym ioh lat ban khaii beain.
