Shillong, Naitung 01: Mynta ka sngi ka jingialang kaba saw sngi ha pdeng ki shipai BSF na ka kynhun Frontier kaba don ia ka jaka treikam ha Shllong bad ka kynhun shipai BGB jong ka Bangladesh ia kaba la tipkum ka “Region Commanders BGB Level Border Co-Ordination Conference” kala sdang ha Shillong.
Ia kum kane ka jingialang la juh pynlong shisien shisnem hapdeng kin ar kynhun ki shipai kiba pahara ha khappud ba kumno ban peit ia u pud u sam bad ban pynthikhina ba kam nym don ka khaii beain ha khappud ha pdeng ka India bad ka Bangladesh.
Ia ka kynhun BGB kaba la wan na Bangladesh la pdiang burom da ki heh BSF ha ICP ha Dawki bad la ialam ia ki sha Umpling jaka ba don ki BSF, ha Shillong ba kin don ha kane ka jingialang kaba sw sngi lynter.
Kane ka kynhun BGB ka kynthrup ia ki 13 ngut ki kynhun bala ialam da u Md Shazedur Rahman, Additional Director General, Region Commander jong ka, katba na ka liang jong ka India la lam khmat da u Patel Piyush Purusottam Das, IPS IG BSF Tripura Frontier bad 12 ngut kiwei pat kiba dei na Meghalaya, Silchar bad Tripura Frontiers jong ki BSF.
Ha kane ka jingiakren la don lang ruh ki nongmih khmat na ka tnad kampoh iing ka sorkar pdeng, ka tnad kam bar ri bad na ka NCB ruh kila ia don lang ha kane ka jingialang, kae ka jingialang kan kut ha ka sngi palei ka 4/Naitung/2024, ia ka jingialang yn pynkut da ka jingiasoi ia ki soskular.
