Shillong, Nailar 06: u President jong ka MSMA u bah Doni R Rani la pyntip ba ka tnad ialehkai jong ka sorkar pdeng kala pynbeit ban pynlong ia ka jngialehkai “Khelo India Khelo” ha ka jingialehkai WUSHU na ka bynta ki kynthei ha ka Ri India.
Haba kren ha ki lat pathai khubor la ong ba ha ka Ri India baroh kawei ki don san tylli ki shnat bad ka shnat kaba san ka dei ka North East bad ki ar tylli ki jylla ka West Bengal bad Bishar baroh ki jylla ki don 10 tylli ki ban wan ia shim bynta ha kane ka jingialehkai.
La ong ba ki samla kynthei ki ban wan ia shim bynta ha kane ka jingialehkai WUSHU jong ka shnat kaba san kin don kumba 400 ngut ei ei bad na kane ka jylla Meghalaya kin don kumba 80 ngut ei ei, ia kane ka jngialehkai la kyrshan da ka SAI. Na kane ka shant ynjied 8 ngut ban ia shimbynta ha ka jingialehkai ha ka Ri India.
La iathuh ba kum ka seng kala dep ban phah sha ka sorkar jylla ban pan jingiarap ha kaba pynlong ia kane ka jingialehkai namar kaSAI kam shym la mang pisa na ka bynta baroh ki jinglut jingsep, kumta kum ka seng ka don kam ia ka jingiarap jong ka sorkar jylla.
U Bah Niauki Iakai u nonghikai ia ki nongialehkai WUSHU ha kane ka jylla Meghalaya u la ong ba ki briew kiba shim khia ia ki jingialehkai ki lait na ki kam sniew kiba bun jait, la ong haba khlain ki samla khlam ja jylla bad kumjuh ka ri baroh kawei, u khot u wer ia ki samla ba kin ia poi ban sakhi namar kam don kano kano ka jingsiew ban wan peit kai.
