Shillong, Nohprah 06: Ki dkho tka Meghalaya Football Association (MFA) hapoh ka jingialam u bah Hamletson Dohling kum u president bad ha ryngkat ka jingia don lang u bah Sunesh Syiem u ba long kum u General Secretary ki la pynpaw bana ka liang ka Association shen kin saphah ia ka jingthoh sha Myntri Rangbah ka jylla u Conrad Sangma ban bhah pisa kyrpang na ka bynta ban siangthymmai pat ia ka madan 3rs ground polo.
Ha kane ka jingiakren bad ki nongthoh khubor na ka liang u bah Hamlet u la ong ba ha dien ka jingshimti jong u kum u president kila iohi ba la don kam ban siang thymmai pat ia kane ka madan ka ba la siang da u phlang plastic na duh u snem 2009.
U bah Hamlet u la ong ruh bana ka liang ka Association kin iakren ruh ha ka ban mang pisa ruh na ka bynta ban shna ia ki jaka jong ki nongshong peit kai bad kum juh ruh iaki kamra riam jong ki nongialehkai.
U la ong ruh ba kane ka madan mynta ka la kynjoh palad iaka 14 snem bad kala long ka jingkyrkhu ia shibun ki samla na ka jylla ha kaba kila mih shibun ki khlur na kane ka madan.
U la ong ruh bana ka liang ka synjuk ka shem jing eh bha ha ka ban pynbha ia kane ka madan kumta u da sngewkmen eh bana ka liang ka sorkar kan ai jingiarap ia ka synjuk ha ka ban maramot pynbha pat ia kane ka madan. U la ban ruhba ha dien ba la dep ban maramot ia kane ka madan kansa don ka kynhun ka ban peit bad ban sumar ia kane ka madan.
Na ka liang u bah Sunesh Syiem u ba long u general secretary ka MFA u la ong bana ka liang ka synjuk ka don la ka jong ka kommittee ka ban peit ia kane ka madan ha kaba ma u long kum u shongknor ha ba jubab la ki don ne em ki synjuk ia lehkai ki ba pynshah pisa ha kine ki samoi.
La ong ba dang khmieh bniah bad u la ong ruh ba la don na ka liang ka synjuk kan sa ia da ka jingthoh sha kine ki kynhun khnang ba ynlah ban peit ia ka bit ka biang jong kane ka madan.
