Shillong, Naitung 28: Ka seng Meghalaya Youth Tourism Development Society (MYTDS) kan pynlong ia ka Miss Meghalaya bad Miss Teen Meghalaya 2023,bad ia ka jingjied bniah ia ki thei bhabriew kan long ha ka 12th Nailar 2023 ha Youth Hostel Shillong.
Kiba jop ha kane ka jingiakop na ka Miss Meghalaya bad Miss Teen Meghalaya kin ioh ban mih khmat ha ki jingiakop thei bhabriew ha ka thain bad ha ka pyrthei ruh kum juh bad ia ka jingiakop kaba khotduh kan long ha u Nailur 2023 ha Soso Tham Auditorium, Shillong,nongjop kin ioh ia ka khusnam bad ka pisa kaba T.2.80 lak tyngka.
Naka bynta ki thei bha briew ki ban shah jied ha kane ka jingiakop kan don ka jinghikai kaba shibnai lynter naduh ka 28th Nailar haduh ka 8th Nailur 2023. Ha kane ka por shibnai kin shah hikai ha kiba bun ki bynta ba kin ioh ia ka jingsngew shlur ha ki.
Ka jingjop ia kane ka jingiakop thei bha briew kam dei tang ka jingjop hynrei ka wanrah ruh kum ka lat ban plie ia ka lynti ban kiew ha ki rynsan kiba kham sha lor ha ki jingiakop bad kan iarap ruh ha kaba trei ha ki kam isynei ha ka imlang sahlang.
Ha ki snem kiba la dep kiba la jop ia ka Miss Meghalaya kila ioh ia ka lat ban leit mih khmat sha ki jingiakop thei bhabriew ha ki rynsan bapher bapher kane ka thain shatei lam mih ngi, ka Ri India bad ha ki ban ki ri jong ka pyrthei.
