Shillong, Naitung 08: Ka Chairperson jong ka National Commission for Women (NCW) ja Rekha Sharman kala ong ba ka NCW kam dei tang ka jaka ban phah ia ki jingujor, hynrei kan long ruh ka nongprat lynti ha ka kam ka jam na ka bynta ki kynthei.
Haba kren kum ka kong san ia ka jingialang kaba ar sngi ha Shillong kaba la sdang mynta ka sngi ha State Convention Centre halor ka phang “ Regional capacity building workshop on promoting entrepreneurship among indigenous women of North Eastern Region based on Non Timber Forest Produce” kaba la pynlong da ka NCW bad ka jingiatreilang bad ka Meghalaya Biodiversity Board.
Haba kren kum ka kongsan ka Chairperson ka Rekha kala ong ba la pynlong ia kane ka jingialang ha NE namar ba kane ka thian ki riewlum khamtam ki kynthei ki don ka jingiajan bha bad ka mariang bad ha Ri India bad khamtam ha kane ka thian ki don haduh 3000 tylli ki jait jingthung kiba lah ban pyndon kiba mih ha khlaw.
Kala kyntu ban kyntiew ia ka ioh ka kot ki kynthei ki dei ban ia don bynta lang ha ka jingpyniaid ki kam ki jam, la ong ba na ki kynbat khlaw la shna ia ki jynthah pynbha briew, la shna dawai, kaba don kam ka long kumno ban pyniaid iew ia kiei kiba lah ban ioh na khlaw da kaba thung ia ki.
Kala pynshlur ban don ia ki kynhun treilang hapdeng ki kynthei bad ka sorkar kan pynioh ia ka ram ha ka dor kaba jem ba kin sdang ia ki kam namar ha India 50% ki don ki kynthei, la kyntu ba ka tnad khlaw ka dei ban leh ei ei halor kane kaphang.
Ha ka jingkren ka Member Secretary ka Meenakshi Negi IFS, kala ong ba ka iew ia ki dawai kynbat kala long kaba heh bha bad kaba paw mynta ka jingdawa kaba jur ka jingpymih ka duna,ka thain shatei lam mih ngi ka don ia ka bynta kaba khraw ban thung dawai.
Ha kane ka sngi u la PCCF jong ka tnad khlaw ka jylla Meghalaya u R.S Gill ruh u la kren haba ia dei bad ki markhraw, kane ka jingialang kaba ar sngi ka long kyrpang tang ia ki kynthei bad kiba la wan ban shim bynta na kylleng ka jylla Meghalaya.
