Jowai, Naiwieng 04: Ka dorbar Shnong Ladthadlaboh kala rai ban pyrshah iaka jingkhot padam surok jong ki shiphew tylli ki seng naka daw baka shnong kala don ka jingthmu ban pynlong iaka fete iew pynmihpisa naka bynta ban shna iaka ïing skul jong ka shnong kaban long haka 5 bad 6 tarik mynta u bnai.
Haba iakren bad ki lad pathai khubor mynta ka sngi, u ma L.D. Lakiang uba long u Rangbah Shnong jong ka Ladthadlaboh ula pynpaw iaka jingsngewsih ba wat hadien ba ka shnong kala kyrpad lyngba ki lad pathai khubor ia ki Sengbhalang ba kin sngewbha ban ym pynlong prokram iakhih haka 5 bad 6 tarik kaba dei ka sngi kaba ka shnong kala pynkhreh ia iew pynmih pisa naka bynta ka ban thaw iingskul thymmai, hynrei ki sengbhalang kim patiaw satia.
Kaba sngewsih ka long ba naka liang jong ki paidbah kila kyrshan iaki jingkhot iakhih jong ka Sengbhalang ha kine ki sngi kiba la dep, hynrei naka liang jong ki sengbhalang pat kim pyrkhat iaka jingbhalang la ong u ma Lakiang.
Naka liang ka shnong kala pynkhreh ia kane ka Fete daki bun bun bnai mynta bad ka jinglut ruh ka long kaba bun, u ma Lakiang ula ong ba daka jingbym banse ngi naka liang ka shnong ngi la rai ban iaid shakhmat bad ka Fete kaba ngi la thmu pynlong haka 5 bad 6 tarik u Naiwieng. Namar baki Sengbhalang kim patiaw iaka jingkyrpad jong ngi, ngi ruh ngim banse ban iaid shakhmat bad ka jingthmu babha jong ka Shnong.
U Lakiang ula ong ruh ba ka dorbar shnong kala rai ban kan ym don ka jingpakhang surok hapoh u pud u ang jong ka Dorbar shnong ha kiteki arsngi bad haka juh kapor ula kyrpad iaka ki paralok parajor ban sngewbha ban iawan shakatei ka fete ban kyrshan iakatei ka jingthmu kaba bha. Uma Lakiang ula pynkut ruh da kaba ong ba ki Sengbhalang kin kitkhlieh hi lada don kno kano ka jingjia kaba sngewsih hapoh kine ki sngi.
u General Secrttary ka Synjuk Ki Rangbah Shnong Jowai. u ma F.S. Rymbai u ong ba ka Synjuk Ki Rangbah Shnong Jowai. ka kyrshan iaka jingpyrshah ka Dorbar shnong Ladthadlaboh jowai ia ka padan surok kaban long haka 5 ha ka 6 bad 7 tarik Mynta u bnai naiwieng kaba pynthud ia ka Fete jong kane ka Dorbar shnong u da ong shuh shuh ba ka padan suroh mied bad ka pakhang shnong khah khah ki seng bhalang ka wanrah ki jingthud bad ki jingeh ia ka shnong kathaw khamtam ia ngi ha Nongbah Jowai namar ba haki ne ki por i bnai bun ki dorbar shnong, ki Skul, ki balang ki pynlong ia ki Fete (iew pynmihpisa) ki jongki te kane ka wan rah ka jing duhnong ka bakhraw iaki namar dei tangkane ka lad kaba lah ban iarap iaki ban pynmih pisa ban pyndap ia ki jingdon kam haka imlang sah lang. kumjuh kane ka padan suroh mied bad ka pakhang shnong ka da pynthud ruh ia ki jingiathoh Shongkrim kiba hap ha kine ki sngi ki bnai ,ka ba ki nongiathih ki da dep pynkhreh lupa baroh shisnem.u ma F.S.Rymbai ha ba pynkut uda ong ba ka Padan Surok mied hi kam shem da trei kam ha poh ka Nongbah Jowai namar u ba don hi kamon u lah ban iad banieng katba u mon.(SP News)
