Ka seng MPWU ka kwah ban iohi ba ki bor pyniaid ka MeECL kan khot ia kren: Mantiphrang

Shillong, Nailur 05: Mynta ka sngi ka seng MeECL Progressive Workers Union (MPWU) mytna ka sngi kala sdang biang ia ka jingiakhih shnong kyllain mungor ha khmat ka ophis jong ka MeECL ha Lumjingshai ban dawa na ki bor pyniaid ba ithuh noh ia ki nongtrei kontrak kum ki nongtrei ba pura.

Haba kren ha ki lat pathai khubor u bah Mantiphrang Lyngdoh President la ong ba ka jingdawa jong ka seng MPWU ka dei ka jingdawa kaba la buh ha khmat ka MeECL ban ithuhnoh ia ki nongtrei kiba la trei palat 10 snem ba kin kum ki nongtrei ba pura bad ba kin siew noh ia ka Arrear kaba sah jong ki nongtrei.

U bah Mantiphrang la ong ba ka jingdawa kaba kila buh ha khmat ki bor pyniaid ki don ar tylli, kawei ka long ban dei ban ithuh noh ia ki nongtrei kontrak kiba la treipalat ia ka shiphew snem ba kin ithuhnoh kum ki nongtrei ba pura, bad ban siew noh ia ka Arrear.

Ha ka jigniakhih kaba kila sdang da kaba seng lama iong ha u Nailar ki bor ba dei peit ia ka MeECL kila ai jubab ba ia ka Arrear la phah khein ban siew noh ia ka Arrear, halor kane ka seng kala weng noh ia kane ka jigndawa namar la kular ban siew, hynrei ka jingiakhih ka long ban dawa na ka sorkar ban ithuhnoh ia ki nongtrei kontrak kum ki nongtrei ba pura.

Haba ia dei bad jingdawa ban ithuh noh ia ki nongtrei kontrak kum ki nongtrei ba pura kibor pyniaid ka MeCL kila jubab ba ki dang bishar bniah bad ka daw ka long ba duna pisa. Halor kane u president ka seng la ong ba lada ki mon ki bor pyniaid ki lah ban leh bad lada kim mon ki ai daw, ka seng ka kwah ba ki bor pyniaid ki khot ia kren.

U bah Mantiphrang u la pynshai ruh ba kane ka jingiakhih jong ki kaba la sdang biang mynta ka sngi bad kin pynkut ha ka 16 tarik mynta u bnai kan nym ktah ia ka jingpynpoibor ding eleltrik namar ki khot tang wei bad ar na kawei ka substation kiba don 56 tylli ha ka jylla baroh kawei.

Ha kane ka jingiakhih shong kyllain mungor kiba la wan ban ia shimbynta ki longna kylleng kala jylla bad la khot u wei ne ar ba kin shong ha ka shi sngi na ki jaka trei bapher bapher bad kane kannym ktah ia ka jingsam bor ding ha ka jylla baroh kawei, la ong ba ki nongtrei kontrak baroh ki don 2300 ngut hapoh ka MeECL.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet