Shillong, Naiwieng 15: Ki nongialam jong ka Meghalaya school welfare Development Association ryngkat bad ki nongmih khmat na ki trainees D.el.ed offline bad convener jong ka impro
vement teachers myntakka sngi 14/11/2019 ki la ia kynduh ia u Education Minister ha kaba la kren bad thir sani bha halor ki jingeh jong ki nonghikai kiba la ialeh ia ka D.El.Ed.
Ha kaba ia dei bad kane ka mat u Ma Lahkmen Rymbui u la iathuh ba u la shim khia ia ka ne ka kam bad kaba khatduh eh ka dei ha u bnai August 2019 ha kaba dalade hi ryngkat bad u Chief Minister u la ia kren ha khmat u Union Minister MHRD bad ki officer jong ka Ministry. Kumjuh ruh ha kane ka sngi la ia kren bad u chairman jong ka NIOS Headquarter lyngba ka phone ha khmat ka jingiadon lang jong ki nongialam jong ka Association.
Katkum katei ka jingiakren iakren ki don katto katne ki jingeh kiba kyllain ha kaba iadei bad ka jingpynbei ia ka result bad ka jingai ia ki oreginal marksheet sha ki teachers trainees. Ha kaba kut jong kane ka jingiakren u Minister u la batai ban pynbiang ia ki jingdonkam hakaba ma u hi un sa tuklar bad ban leh ia kaba donkam.
Te ha kaba ia dei bad kitei ki jingdonkam ka Association ka pyntip sha baroh ki teachers trainees ban pynbiang ia ki ki document kiba dei jong NIOS bad ban wan rah ha ka 22 por 1.00.pm haduh4.00.pm & 23/ 11/2019 por 11.00am haduh 2:00pm ha Khasi National Dorbar Hall Mawkhar.
Ha kaba ia dei bad ka improvement ka Association ka la kyrpad ia u Minister ban iarap lem ban tuklar ba ka mbose kan pynlong noh kloi katba lah ia kane ka exam khnang ba kan nym buh jingeh ia ki Nonghikai.
Ka Association ha ka kyrteng jong baroh ki nonghikai ki ba dei ban ialeh ia ka improvement exam ka la ai ka jingkhublei kabaa kyrpang ia u Minster bad Principal secretary, Bah D.P Wahlang kiba la shim khia ia kane ka kam naduh ba sdang halor ka rai jong ki nonghikai kaba lalong ha ka 22/6/2019 ia kaba la submit ha ka 2/7/2019.
Bad dei halor ka ne ka shithi ruh ba ka department ka la sdang ban leh ia kaba donkam bad hadien pat ka la pdiang ia ka jingkyrpad jong ki nonghikai lyngba ka MSWDA ban ailad ia baroh ki in-service Teachers ki bym kot ia ka 45% ha ka class XII kat kum ka shithi No.EDN.142/2011/VOL.III/1461,Dated 1/10/2019.
Ia kaba la phah sha u Director DSEL. Bad copy sha u Director DERT bad Chairman MBOSE. Shuh shuh halor kane ka Association ka la kyntu ia baroh ki skul bad Nonghikai ban ban pyndep noh ia ka jingphah kyrteng sha ka Office jong ki SDSEO ha poh kane ka taiew ban wan khnang ba ka jingthmu kan kham kloi.
Nalor kitei ki mat haneng u president u la ia thuh ruh ba ka Association ka la ia thir bad ia kren ruh ia kiwei pat ki mat kiba ia dei bad ki jingeh jong ki skul naduh Pre-Primary – Secondary khamtam ka jingpynwandur thymmai ia ki skul kat kum ka Education Policy ha kaba na ka liang u Minister u la batai shibun kiei kiei halor kane ka phang.
