Shillong, Jymmang 10: Ka sorkar jylla ka la rai ban iatreilang bad ka Sanker Centre na ka bynta ka Neurology bad Mental Health ban ai jinghikai pyntbit ia palat 100 ngut ki nonghikai ban long kum ki “counselor” na ka bynta ban iakhun pyrshah iaka jingjyllei u drok ka jylla.
Ïa kane la pyntip da u myntri ka tnat Social Welfare u bah Paul Lyngdoh, u la ong ba ka tnat ka bei 50% ka jinglut na ka bynta ban ai jinghikai pyntbit ia ki nonghikai.
Haba kren shaki nonthoh khubor u bah Paul Lyngdoh u la iathuh ba kane ka rai jong ka sorkar ka dei ban hikai ia ki khynnah halor ka jingma kaba mih na u Drok bad kumsm shibynta ban shim ia ki lad lynti ban kiar na ka jingshah pyngop ha u.
U bah Paul Lyngdoh u la iathuh ba ka sorkar ka don ia ka thong ban pyndep ban ai jinghikai ia ki nonghikai hapoh 10 bnai khnang ba ki nonghikai kin ioh leit shaki skul ha kylleng ka nongbah ban long kum ki ‘Counsellor’
“Ka sienjam ba kongsan ba ka tnat Social Welfare ha ka jingiatreilang bad ka DREAM ka shim ban iakhun pyrshah ka thma Drok ka dei da ka ba iatreilang bad ka Sanker Centre for Neurology and Mental Health ban ai jinghikai pyntbit ia ki nonghikai ban long kum ki ‘Counsellor’ ia ki khynnah skul naduh klas II haduh klas V ban pynsngewthuh ia ki halor ka jingma u Drok” la ong u Bah Paul.
U bah Paul Lyngdoh u la ong ba ka bai leit hikai shah pyntbit ka dei T.10,000 hynrei 50% na ka jinglut, yn bei dak a tnat Social Welfare. U la iathuh ruh ba ka tnat Social Welfare ka la iatehlok bad ka Shillong Lajong FC ban ialap pynduh jait ia ka jingshah ban beiñ ki briew ba ngop ha u Drok, ha kajuh ka por ban ialap ia ki samla halor ka jingma u Drok.
