Shillong, Naitung 16: U Myntri rangbah ka jylla u Conrad K Sangma mynta ka sngi u la pyntip paidbah ba ka sorkar kan sa shim ia ka rai ban pyrshah ia ka jingtih Uranium ha ka jylla, kane ka dei ka jingjubab ia kaei kaba la paw ha ki lat pathai khubor.
Mynta ka sngi u myntri rangbah u la kren shai ba ka sorkar jylla ka long shai bha ha kaba ia dei bad u Uranium bad ka sorkar na ka por sha ka por ka juh kren bad ka pyrshah ia ka jingtih Uranium ha kane ka jylla Meghalaya.
U myntri rangbah la ong ba ka sorkar kan sa shim ia ka rai ban pyrshah ia ka jingthih Uranium bad na ka liang ka sorkar ka kren shai ba kam pat juh ai kano kano ka jingmynjur ban tih Uranium ha ka jylla.
Kane ka rai jong ka sorkar ba kin sa shim ia ka rai ban pyrshah ia ka jingtih Uranium ka long ban pynskhem ia kaei kaba ka sorkar iieng ban pyrshah bad kane ka dei ka jingpynsngew jong u paidbah namar kan ktah ia ka mariang bad ia ki jingthaw ba im lada tih Uranium.
Kane ka rai ka long ban ia shai kdar halor ka jingia tharai bad mutdur da kumne da kumtai bad ka jingbum ia shai haba iadei bad kane ka mat bad u Uranium, kane ka rai kaba ka sorkar kala shim ka long ban weng ia baroh ki jingmut artatien bad ka sorkar kala kren shai ba ka pyrshah ia ka jingtih Uranium.
