New Delhi, Jylliew 02: Ka WAVES OTT, kaba dei ka rynsan digital streaming jong ka PrasarBharati, ka la jam ïa u mawmer 1 klur (10 million) ngut ki nongpyndonkam ba la pynrung kyrteng, tang hapoh ar snem hadien ba la pliepaidbahïa ka ha u bnai Naiwieng 2024.
Ka jingjop ka pyni ia ka sienjam kaba kongsan ha ka jingkiew ka kam digital media jong ka India bad ka pyni ia ka jingkiew ka jingpdiang ia ki rynsan digital jong ka ri kiba wanrah ia ki prokram kiba lah ban shaniah, kiba kynthup lang ia baroh bad kiba iar sha ki briew ha India bad kylleng ka pyrthei.
Mynta, ka WAVES OTT ka pynlong palat 24,000 tylli ki prokram bad palat 15,000 kynta ki prokram kiba iadei bad ka jingpynbyrngia, ki khubor, ka pule puthi, ka kolshor, ka jingngeit bad ki kam ai jingshakri ia ki paidbah. Ka rynsan ka wanrah palat 140 tylli ki live TV channel, palat 200 tylli ki jingshakri ba iadei bad ka radio, ka jingpyni live, ki prokram ba iadei bad ka jingpule lyngba ki channel PM eVidya, ki bynta digital jong ka Yojana, Kurukshetra bad RozgarSamachar, ki jingpyni ia ka jingmane na ki temple ba pawnam, bad da ki hajarkynta ki prokram ba la ioh na ka PrasarBharati.
Lah ban ioh ha ki mobile, web bad ki TV ba la pyniasoh, ka WAVES OTT mynta ka poi sha ki briew ha palat 130 tylli ki ri, ka wanrah ia ki prokram ha ki ktien bapher bapher jong ka ri India bad ka ai lad ban ioh ei ia ki prokram bapher bapherkatkum ki jingkwah jong ki paidbah.
Haba kren shaphang une u mawmer, ka PrasarBharati ka la pynpaw ba kane ka jingjop ka pyni ïa ka jingïahap kaba nang kiew jong ki kam digital media ha kane ka juk digital bad ka pynskhemïa ka jingthmu ban pynbiang ïa kawei ka rynsan na ka bynta ka telebishon, ka radio, ki prokram katkum ka jingdawa, ka pule puthi, ka kolshor bad ka pateng.
Ka rynsan ka sakhiïa ka jingkiew kaba iaineh lyngba ka jingpyniarïa ki prokram kaba iaibteng, ki jingïatreilang ha ki kam digital, ka jingdon jong ki tiar kiba kham iar bad ka jingkyntiew ïa ka jingshem jong ki nongpyndonkam. Ki bynta ba la sdang dang shen kum ki jingpyni live ia ka jingmane, ki prokram ba iadei bad ka jingpule, ki jingpynmih digital, ki prokram ba rim bad ki jingpyni live ia ki prokram ki la pynkhlain shuh shuh ia ka jingiadei bad ki briew.
Da palat 1 klur ngut ki nongpyndonkam ba la pynrung kyrteng bad palat 1.4 klur tylli ki download, ka WAVES OTT mynta ka pynleit jingmut ha ka bynta kaba bud jong ka jingkiew shaphrang, kynthup ïa ka jingpynïarïa ki jingïatreilang ha ka jingpynmih prokram, ka jingpynsaphriang kaba kham iar ha kylleng ki tiar bad ki rynsan, ka jingpynkhlainïa ka jingpynmih prokram kiba iadei bad ki thain bad ruh ka pule puthi, bad ban pynurlongïa ka thong jong ka 2 klur ngut ki nongpyndonkam kiba la pynrung kyrteng shuwa u Lber 2027.
Une u mawmer u pynskhemia ka kyrdan jong ka WAVES OTT kum ka rynsan streaming kaba kiew stet tam ha India bad ka jingpyni lyngba ki lad digital ia ka kolshor, ka jingnang jingstad, ka pateng bad ka jingstad jong ka India.
