Shillong, Kyllalyngkot 05: Haba ia dei bad ka jingshah lute jong ki ar ngut ki briew kiba na ka shnong Lamin ha Lat Darang, na ka liang ki pulit kila ong ba kiba leh ia kane ka kam ki dei ki khar Bangladesh.
Haba kren ha u SP News Agency, u Ophisar ba dei peit ia ka Dawki Police Station u la ong ba katkum ka jingiathuh jong ki ar ngut kiba la mynsaw ha kane ka jingshah lute, u Bah Tyngshai Khonglah 30 snem bad u Bah Ramius Khonglah 28 snem la ong ba kiba leh ia kane ka kam ki dei ki Khar Bangladesh.
Kine ki Khar Bangladesh kiba wan rung sha duh Lat Darang ki don kumba 10 ngut ei ei bad ha ka por ba kila ioh ban pynjot bad pynsaw ia ki kila tam ia kine ki ar ngut na ki lynti khlaw bad poi sha Tamabil hynrei la don ba kawang maw ia ki bad kila phet krad kine ki nonglute. Ki nonglute kila ioh ban knieh ia ka mobile na u bah Ramius bad ka pisa T.700/- tyngka.
Na ka liang jong u ophisar ba dei peit ia ka Dawki Police Station, la ong ba kine kiba mynsaw kila lait na ka jingma, kane ka long katkum ka jingong u doctor ba sumar ia ki. La iathuh na ka jingiathuh jong ki bas ha lute la ong ba ki dei ki khar Bangladesh namar ki kren ia ka ktien Bangla.
