Shillong, Nailur 08: Ha ka miet sngi balang ki pulit jong ka East Khasi Hills District ha ka jingkhynra ia ki nonkhaii drok kila ioh ban lem saw ngut ki briew na jaka ieng kali ha Dhankheti kiba la shah kem ki long u bah Pollingstar David Nongsiej 34 snem, u bah Haokholal Vaite 32 snem, ka Thangabui Thado 44 snem, ka Jessie Lalsangzual 33 snem la kem na jaka ieng kali ha Dhankheti.
Na kine ki briew la ioh ban kurup 15 tylli ki synduk buh sabon bad lai tylli ki jaka buh bad la ioh 188.40 gram u heroin bad ka dor jong u drok kala kot sha ka T.75 lak tyngka, san tylli ki mobile, kawei ka bike Yamaha Ray ZR 125 bad ka scooty ba bat register, na kine ki briew la ioh kurup T. 1,64,820/- tyngka.
Ia kine ki saw ngut kiba la shah kem la register ejahar hapoh Laitumkhrah Police Station bad ia ki la pynngat hapoh ki kyndon jong ka NDPS Act No. 127(9)22 u/s 21(b) / 29. Na ka liang jong ki pulit kila dang pynkhlain shuh shuh ia ka jingkhynra ia ki nongkhaii drok ha kylleng ka jylla.
