Shillong, Iaiong 15: Ka KSU Laitumkhrah Unit ha ka janmiet 14/4/2026 ka lah ioh ban bat ia uwei bar jylla u ba kyrteng u Bulu Malakar u ba dei napoh Assam Karimganj District uba sah hapoh Laitumkhrah New Colony u ba shu trei tang kum ba leit tyrwa ia ki dawai.
La kynnoh ba u ne u briew u la kam ia lade ba u dei u nongdie dawai ha ka dukan kaba la tip kyrteng kum ka Meghalaya Pharmacy kaba don ha Laitumkhrah, ka seng kala ioh jingtip ba don kawei ka samla katbaka dang leit ban thied dawai kala shah jrongkti.
Haba ioh ia kane ka jingtip na ka liang ka seng kala leit sha tei ka dukan bad khang tala ia kane ka dukan na kane ka jingleh khlem akor u tei u briew, ha kane ka jingleit la donlang ki seng samla shnong bad Secretary shnong ka Upper New Colony.
Ia u tei u briew la rah sha Laitumkhrah Police Station bad na ka liang jong kiba ha iing kila ujor ruh sha ka women’s commission pyrshah ia u tei u bar jylla bad ka tnad pulit ka dei ban leh ia kaba don kam katkum ka ain.
Na ka liang ka seng bad ka shnong hi ka la khang khyrdep syndon iakane ka Pharmacy mynta ka miet 14/4/2026 bad ka maham ruh ban pynshitom ia kum kine ki briew da kaba tyngeh.
