Shillong, Iaiong 15: U wei u Home Guard ba ap pahara ha karkhana MCCL u leit ban ujor sha ki pulit jong ka Sohra Police Station ba jah kawei ka suloi Rifle 303 na ka jaka buh haka 11/4/2026 bad ha kane ka juh ka sngi la ai ia ka ejahar.
Ki pulit ka Sohra kila register ia ka mukotduma halor kane ka jingujor Sohra PS Case No. 10/2026 u/s 305 (e)/ 324 (3)/ 331 (3) BNS bad ka jingthkit kala sdang bad ha ka jingtohkit ha ka jan miet jong ka 14/4/2026 ki pulit kila rash ia u bah Shaiborlang Jyrwa 21 snem bad ia u bah Sawbor Sooting 20 snem baroh arngut na Sohra ban tohkit.
Ha kane ka jingtohkit kila phla ba kila sim ia ka Rifle 303 na ka karkhana dewbilat bad leit ban buh rieh ha iing jong ka kong Alpha Mary Jyrwa Nongseij, kmie ieit jong u Shaiborlang Jyrwa.
Ha kane ka jingphla jong kine kiba la shah kynnoh ki la leit ban khynra ia ka jak aba ki buh rieh bad ia ka Rifle 303 kaba don ia u number 3709740 la ioh ban kurup na katei ka jaka ha ka jingdon lang sakhi na ka liang ki riew paidbah.
Hakane ka jingtohkit la phla ba don sa u wei u samla bala tip kyrteng kum u Teilang Sohkhia 19 snem bad ki pulit kila ioh ban rah ia u bad ha ka jingtohkit ha dien kata kila kem ia ki baroh lai ngut bad mynta ka sngi la rah ia ki sha iing bishar.
