Shillong, Iaiong 15: Ki bor jong ka District Administration jong ka South West Garo Hills District kila pynlong ia ka jingpeit bniah ia ki riew paidbah ban lap la ki don ne em ia ka jingpang Tuberculosis ne ka jingpang shini ia kane ka jingjurip la pynlong ha phyllaw ophis jong ka Deputy Commissioner mynta ka sngi.
Kane ka jingjurip ka dei shi bynta na ka 100 sngi ban ia khun pyrshah ia ka jingpang TB ia kaba kin sa dang iaid shuh sha khmat ban pynlong ia ka jingeksamin ia ki riew paidbah bad ki nongtrei ophis kumjuh kane ka long ban wanrah ia ka koit ka khiah ha ki paidbah nongshong shnong.
Na ka liang ki ophisar ka tnad ka koit ka khiah kila pynshlur ia ki paidbah ba kin ia kynduh ia ki Asha lane ia ki ANM ha ki jaka ki dong bad ki shnong kiba ki sah ban ioh ia ka jingtip bad ka jingiarap ia kane la leh da ka National Health Mission Meghalaya bad kane ka long shi bynta ban wanrah ia ki lad jingsumar sha baroh ki District.
