Shillong, Iaiong 22: U Bah Ganol Stone Massar 81 snem MLA bad MDC barim jong ka Nongskhen Konstitwensi u la khlad noh mynta ka sngi ha kawei na ki private Hospital Shillong ha dien ba ka jingshitom kala bat kato katne por.
U Bah Ganol S Massar u la jop nyngkong ia ka MLA Elekshon MLA na ka Nongskhen Assembly Constitwensi na ka tiket HSPDP ha u snem 1983, ha u snem 1988 u la jop na ka tiket HPU bad kum juh ha u snem 1993.
Ha ka jinglong MLA jong u bah Massar u la long ruh u kabinet minister jong ka sorkar ha kaba u la bat ia ka tnad ain jong ka sorkar jylla. Kane ka jingkhlad ka jong u bah Massar ka long ka jingduh kaba khraw ia ka jylla.
U bah Ganol S Massar u la long ruh u MDC jong ka Nongskhen Konstitwensi naduh u snem 1979 haduh u snem 1994. Dei ha u bnai Lber 1989 haduh u bnai Lber 1992 u la shah jied kum u CEM jong ka KHADC.
