Shillong, Nohprah 21: Mynta ka sngi ka Dr. Ampareen Lyngdoh ba dei peit ia ka tnad ka koit ka khiah kala khot ia ka jingalang ban peit bniah ha kaba iadei bad ka khlam COVID-19 kaba la sdangkiew ha kiwei ki jylla jong ka Ri India.
Ha kane ka jingialang la ia shimbynta da ki heh jong ka tnad ka koit ka khiah bad kumba ka long mynta ia une u khniang jingpang ba thymmai ka World Health Organsiation kala jer kyrteng kum u “Variant of Interest”.
Kane ka jingpang kaba mynta kan nym don kano kano ka jingma kumba long mynshuwa ne kano kano ka dak kaba thymmai, na ka liang jong ka tnad ka koit ka khiah kala ong ba ym dei ban sngew syier.
Haba ia die bad kane na ka liang jong ka ‘Integrated Disease Surveliance Programe’ jong ka tnad ka koit ka khiah kila pynlong ia ka jingjurip kaba bniah bad kumba ka long mynta ha jylla Meghalaya ym don ba pang na ka khlam COVID-19 bad kam don kano kano ruh ka jingpang.
Ha ka juh ka por na na ka liang jong ka tnad ka koit ka khiah jong ka jylla kala bthah ba ha kane ka por leh kmen Khristmas la bthah ban deng ia ki jingda khmat ha kaba leit sha ki jaka paidbah, long kiba leh khuid, kiar na ki jaka ba ia bun paidbah.
Kito kiba don ia ka jingpang shini, jingkieng khlieh, pang khyllai, kine ki dei ban da sumar bha lada kidon ia ka jingpang baiong khlieh, lane lada ki don ia ki dak ki shien jong ka jingshiet met ba kin long kiba kham phikir.
