New Delhi, Naitung 30: Ka President jong ka Ri India ka Droupadi Murmu kan sa pyniaid ia ka jingialang kaba ar sngi jong ki Lat ki jylla ban long ha ka 2 bad 3 tarik Nailar 2024 ka ban long ha Rashtrapati Bhavan bad kane kan dei ka sien kaba nyngkong ban pyniaid da ka President.
Ha kane ka jingialang kaba baroh ki Lat ka jylla kin don lang ha kane ka jingialang, u Vice President, myntri kam poh iing ka Ri India bad kiwei kiwei ki myntri ka sorkar pdeng bad ki heh ka sorkar pdeng kin don lang ha kane ka jingialang baa r sngi.
Ka phang pdeng jong kane ka jingialang ka long ka jingpyntrei kam ia ki lai tylli ki ain kiba ia dei bad ki kam runar, ka jingwanrah ia ka jingkylla ha ka pule puthi, ka jingia jingithuhia ki skul bah, ki kam pynroi kiba kyrpang ha ki jaka ba don ki riewlum, ki District ba dang ia leh ban kiew, ki block bad ki jaka khappud bad ki ri ba marjan.
Ka jingiakren ia ka bynta jong ki Lat ki jylla ha ka jingpynsaphriang ia jingpyrta “My Bharat” ‘Ek Bharat Shreshtha Bharat’‘Ek Vriksha Maa ke Naam’ ba kumno kine kin don ka jingia dei bad ki paidbah, ka jingiadei jong ki Lat bad ki kynhun bapher bapher jong ka sorkar pdeng kiba don h ki jylla.
Ki Lat jong ki jylla kin ia kren ia kitei ki mat bala kdew haneng ha ki kynhun la ka jong ka jong ha kine ki ar sngi ba don jngialang bad kine ki kynhun kin ai ia ka kaiphot ha khmat jng ka President, Vice President, myntri rangbah duh jong ka Ri India bad kiwei kiwei ki nongiashim bynta.
