Nongpoh, Jymmang 08: Mynta ka sngi Ka Saiden Socio Cultural Sport Club ryngkat bad ka jingiasnoh kti lang bad ka Dorbar Shnong Saiden bad ka ophis jong ka Deputy Commissioner, Ri Bhoi District ka la pyntip ba kan pynlong ia ka 2nd Niangtaser Festival 2014 ha ka 15 tarik u mynta, ia kane ka tamasa yn pynlong ha ka khlaw Iewsier hajan ka Nongkhyllem Wildlife Sanctuary.
U president jong ka NTFC u Bah M.G Kharshanlor, ha ka jingiadon long u Bah E.K Lapang, Rangbah Shnong ka Saiden bad u Bah S.F Lyngdoh Secretary Shnong, ki la iathuh ka daw ba la pynkylla noh ia ka tarik ka dei na ka jingwan jong u slap.
U Parliamentary Secretary ka sorkar jylla u ba dei u MLA ka Umsning Constituency u Dr. Celestine Lyngdoh un long u kongsan ban plie ia kane ka tamasa ha ka tei ka sngi kumjuh ruh ha ka jingiadonlang ruh ka Deputy Commissioner ka Dr. Pooja Pandey lem bad ki briew sorkar na ka Ri Bhoi District.
Ia kane ka tamsa yn sdang ha ka por 3 baje noh phai sngi, ha kane ka sngi kin don ruh ki jingpyni ia ki rukom shad tynrai bad shibun kiwei ki jingialehkai ha ki jaka ba mih kitei ki Niangtaser.
Ka Committee jong ka shnong Saiden ka khot wer ia ki paidbah baroh jong ka district bad ruh na kiwei ki jaka jong ka jylla ba kin shim ia kane ka kabu ban wan sha kane ka tamasa khniang.(SP News)
