Shillong, Nohprah 04: Ka Viksit Bharat SankalpYatra (VBSY) ka dang bteng ia ka jingiaid lynti jong ka kaba ai mynsiem ha kylleng ka jylla Meghalaya ha kaba ki la don ki jingiadei kiba seisoh bad ki briew ha ryngkat ka jingai jingtipbad ka jingpynkupbor ia ki briew lyngba ka jingai jingtip shaphang ki prokram bapher bapher kiba iadei bad ka bha ka miat jong ka imlang sahlang bad ka roi ka par.
Ha nongbahShillong, ka kali Urban IEC (Information, Education and Communication) Van ka la pynlong ar tylli ki prokram mynta ka sngi ha Don Bosco Square bad Khyndailad (Police Bazar).
Ki nongshong shnong ha kine artylli ki jaka bad ki jaka ba iajan bad kine ki la iashim bynta shitrhem ha kane ka yatra. Hapoh ka IEC campaign, la pynlong ia ki prokram ban ai ki jingshakri kum ki health checkup ba ioh ei.
Ki lad ban ioh ia ki Aadhaar card bad ruh ban pynthymmai ia ki card ba ki briew ki la don lypa. Ki briew ki la wan shakhmat ruh ban ioh ia ki connection LPG ba thymmai bad la ai ruh ia ki AyushmanBharat health card, la ai ruh ia ki jingai ram hapoh ka skhim PM SVANidhi.
Kum shi bynta kane ka kam kaba pynlong ha kylleng ka ri, ka kali IEC ba kyrpang, lyngba ka multimedia ka la ai jingtip ia ki briew shaphang ki prokram, ki skhim bad ki sienjam bapher bapher jong ka Sorkar India ban kyntiew ia ka jingim jong ki briew ha Meghalaya.
Ha kane ka sngi, ki nongiashim bynta ki la bam smaiViksit Bharat SankalpYatra ruh ban pynurlong ia ka India kaba la kiewshaphrang bad kaba lah ban pyndap ia la ki jingdonkam shuwa u snem 2047. La sam ruh ia ki certificate sha ki nongioh jingmyntoi na ka PM SVANidhi.
Ka Viksit Bharat SankalpYatra, kaba la plié paidbah da u Myntri Rangbah Duh, u Narendra Modi ha ka 15 tarik u Naiwieng, 2023 ka thmu ban ai jingtip ia ki briew ban pynurlong ia ka jingpynpoi pura ia ki skhim kiba iadei bad ka jingkhuid.
Ki jingshakri kiba iadei bad ki kam pisa, ka bording, bad ka jingioh ia ki tyndong LPG, ki iing sah na ka bynta kiba duna jingioh, ka jingshngain ha ka jingioh bam, ka jingioh ia ka bam kaba tei met bad ki jingai jingsumar kiba lah ban shaniah.
Ka Yatra ka thmu ban poi sha palat 2.55 lak tylli ki Gram Panchayat bad palat 3,600 tylli ki bor pyniaid shnong ha ki jaka sor shuwa ka 25 tarik u Kyllalyngkot, 2024 ha kaba ka jingseisoh kan don ha baroh ki distrik jong ka ri.
