Shillong, Jymmang 23: Ki doktor na ka Apollo Hospital kiba don ha Kolkaata kila ai ka jingpynshai paidbah ia ki lat jingsumar kiba ka hospital ka don khamtam kumno ban sumar ia ka jingpang bam pong ryndang, ka jingpuid da ki robort, ka jingsumar ia ka jingdap lyer.
Haba kren ha ki lat pathai khubor bala lam khmat da u Dr. Rajeev Sharan u doktor ba peit ia ka jingsumar ia ka jingpang bam pong ha ryndang, u Dr. Ramdip Ray ba peit ia ka jingsumar ban bujli khyllai, kila batai ia ki lat jingsumar kiba katkum kane ka juk kaba mynta kiba don ha kane ka thian Northeast ka Ri India.
U Dr. Rajeev Sharan u la ong ba ka jingpang bam pong ha ryndang ka dei kawei ka bynta kaba ki briew ha kane ka Ri India ki dang ioh bha ia kane ka jingpang bad khamtam na kane ka thain shateilam mihngi ka Ri India, kiba bun ki sdang phah sumar ynda ka jingpang kala jur ka daw ka long ba kiba bun kim pat sngewthuh bha.
La ong ba ka Apollo Hospital kaba don ha Kolkaata kala dang pynkhlain bad kham pynjanai ia ka jingai jingsumar ha kaba ia dei bad ka jingpang bampon ha ryngdang lada don kam ban puid da ki kot kane ka juk mynta Robort kila lah ban leh ym tang katne kila pynbha ruh ha kiwei kiwei ki bynta jong ka jingai jingsumar wat sha kane ka thain shatei lam mihngi ka Ri India.
Dr Ray la ong bah aba shim ia ki lat jingiada kiba kham kloi ka dei ka bynta kaba kongsan ban ioh ia ki lat jingpynkoid bad kane ka jingia jingpynshai ka long ban pynsngewthuh ia kiba bun ba kin sumar ia la de da kaba phah peit na ka por sha ka por ban ioh ia ka jingkoit jingkhiah.
U Dr. Prathap C Reddy la ong ba ia ka Apollo hospital la sdang ha u snem 1983 ha Chennai bad mynta kane ka hospital kala don haduh 73 tylli ki hospital baroh ki jignthiah kila kot sha ka 10,000 tylli, ki jaka ai dawai 5,500 tylli, 200 tylli ki jaka peit nongpang bad 700 tylli ki jaka ai jingsumar kiba la tip kum telemedicine bad ka Apollo ka kwah ban ai ka jingsumar kabab ha tam katkum kane ka juk kaba mynta.
