Shillong, Naiwieng 16: U Director ka tnad ka koit ka khiah mynta ka sngi u la pyntip ba baroh kiba la test COVID-19 positive ki long 41 ngut, East Khasi Hills 17, West Garo Hills 14, Ri Bhoi 6, South West Garo Hills 3, North Garo Hills 1, kiba dang shitom haduh mynta ki long 933 ngut.
Ha ka juh ka porn a ka liang jong u Director u la pyntip ruh ba kiba la ioh ia ka jingkoit mynta ka sngi ki long 78 ngut, East Khasi Hills 24, Ri Bhoi 17, West Garo Hills 13, East Jaintia Hills 9, West Jaintia Hills 9, East Garo Hills 4, South West Garo Hills 2, kiba la koit haduh mynta baroh ki long 9672 ngut.
La pyntip ruh ba mynta ka sngi don u wei ba khlad ha West Garo Hills District, na ka liang jong u Director la iathuh ba la rah noh sha South West Garo Hills District, kiba khlad ha ka jylla baroh kawei naduh mynta ki long 101 ngut na kane ka jingkang COVID-19.
U Director la iathuh ba u ba khlad mynta ka sngi la tip kyrteng kum u Somikson D Sangma 60 snem ka rta na Ka shnong Chereangre, Tura. Ka jingiap jong ki briew ha kane ka jylla na kane ka jingpang ka long 0.94%.
