Shillong, Jylliew 12: Ka tnad ka koit ka khiah mynta ka sngi kala pyntip ba kiba la test COVID-19 positive ki long 501 ngut, baroh kiba dang shitom na kane ka jingpang hapoh ka jylla baroh ki long 4871 ngut.
Ka jingdon kiba shitom na kane ka jingpang katkum ki District ki long, East Garo Hills 189, East Jaintia Hills 112. East Khasi Hills 1790, North Garo Hills 227, Ri BHoi 369, South Garo Hills 113, South West Garo Hills 240, South West Khasi Hills 260, West Garo Hills 784, West Jaintia Hills 627, West Khasi Hills 160 baroh ki long 4871 ngut.
La pyntip ruh kiba la ioh ia ka jingkoit mynta ka sngi ki long 610 ngut, kiba la koit baroh na kane ka jingpang ha ka jylla haduh mynta ki long poi sha ka 36003 ngut haduh mynta ka sngi ha ka jylla baroh kawei.
La pyntip ruh kiba la khlad na kane ka jingpang mynta ka sngi ki long 13 ngut bad kiba khlad na kane ka jingpang ha ka jylla baroh kawei haduh mynta kala kiew sha ka 727 ngut, kane ka long katkum ka jingpyntip na ka tnad ka koit ka khiah mynta ka sngi.
