Shillong, Risaw 05: Ka tnad ka koit ka khiah kala pyntip ba mynta ka sngi kiba la test COVID-19 positive ki don 2 ngut, kine kidei na East Khasi Hills District, kiba dang shitom na kane ka jingpang ki don 38 ngut.
Ka tnad ka koit ka khiah kala pyntip ruh ba kiba la ioh ia ka jingkoit na kane ka jingpang mynta ka sngi ki don 4 ngut, na ki 38 ngut kiba dang shitom ki don 7 ngut kiba shah sumar ha ki hospital na kane ka jingpang, East Khasi Hills 5 ngut, Ri Bhoi 1, West Garo Hills 1.
Katkum ka jingkhein kaba la buh ryntih haduh mynta kiba la test COVID-19 positive baroh kidon 96710 ngut, kiba la ioh ia ka jingkoit baroh ki long 95050 ngut, kiba khlad na kane ka jingpang baroh ki long 1622 ngut.
