New Delhi, Jymmang 31: Ban dang wan rah shuh shuh ia ka jingiajan ha pdeng ka Ri India bad ka ri Mongolia ka sorkar India kala pynkit ia ka dur mot u Arahant Sariputta bad jong u Arahant Mahamoggallana ki nongbut ba jan eh Gautama Buddha sha ka ri Mongolia.
Ka dur mot jong kine ki ar ngut ki nongbud ba ha khmat eh jong u Gautama Buddha la pynkit nak ad liengsuin ka nongbah Delhi ha ka 30/Jymmang/2026 bad ka jingiaid lynti ka long shimiet bad kane ka liengsuin ia pom ka Ri India kala poi sha Mongolia mynta ka sngi ha ka por mynstep ha ka por jong ka Ri India IST.
Ia kine ki ar tylli ki durmot la pynkit da ka liengsuin IL-76 jong ki shipai suin ka Ri India, kane ka jingleh ka sorkar India ka long ba ka dei ka bynta jong ka ri ban kyrshan ia ki ri kiba don ia ka jingiasngewthuh jingmut lang.
Kane ka jingkit ia ki durmot da ki lieng suin ki shipai suin jong ka Indian Air Force ka kren shai ia ka jinglah ka Ri India ban kyrshan ban ha ka juh ka por ban poi sha ka thong ia kaba ka Ri India ka kwah bad ban pynisha ka pyrthei haba ia dei bad ka riti dustur.
