Shillong, Naitung 16: Mynta ka sngi ki nongialam jong ka KSU na ka shnong Iooksi kila leit ban ia kynduh ia u myntri ka koit ka khiah u bah Alexander Hek ban daw na ka sorkar ban thung doctor noh hapoh jong ka Iooksi PHC kaba la sah khlem doctor mynta la lai bnai.
Haba kren ha u lad pathai khubor u samla Kitlangmiki Syngkong ha dien ak jingiakynduh bad u mytnri ka sorkar jylla u la iathuh ba ha kane ka jingiakynduh na ka liang jong u myntri ka koit ka khiah u la kren shai ba yn nym lah ban phah ar ngut ki doctor kumba ki dawa hynrei yn thung noh u wei.
Ha kane ka jingiakren bad u myntri ka sorkar jylla, ka seng KSU kala kyntu ruh ba dei ban thung shuh ia ki nurse bad kawei ka ANM nurse bad kum juh ia ka Public Health Nurse hapoh katei ka PHC namar kumba ka long mynta kiba don saw ngut kala khia palat ia ka kam na ka bynta jong ki.
Ka jingbym don doctor sha katei ka PHC ka long ba u doctor ba don mynshuw u la mih noh ban leit pule shuh shuh ha kane ka kam dei na kane ka daw ba lai bnai kane ka PHC kam don doctor kum ka seng kam ban se ban wan ia kynduh ia u myntri mynta ka sngi ha kaba u la kular ban thung noh u wei.
