Shillong, Risaw 20: Ki shipai BSF kiba don ha West Garo Hills haba kila ioh ia ka jingtip ba ki don ki briew kiba kit jingkit ban hiar sha khappud Bangladesh, kila khang kdong bad hapoh iohi ia ki BSF kila bret ia ki jingkit bad phet krad ban lait na kti ki bor jong ka ain.
Ki BSF kila kurup ia ki song bad haba la loit la shem ba ki dei da ki jain saree, haba la pynshong dor ia ki jain kiba la ioh kurup kila shongdor palat ia ka T.10 lak tyngka, kine ki jain la ioh ban kurup ha khappud Bangladesh.
Na ka liang jong ki BSF kila dang pynkhlain ia ka jingpeitngor ha khappud bad ka Bangladesh ban khanglad ia ka jingiakhaii beain na kane ka jylla Meghalaya, wat ha pdeng ki jingpahara ki nongkhaii beain ki pyrshang.
Ha kine ki sngi ki BSF kila ioh ban kurup shibun ki mar khaii beain sha Bangladesh ha shi lynter khappud ka jylla Meghalaya naduh East Jaintia Hills haduh West Garo Hills District bad ka jingpyrkhing na ki BSF ki dang iai bteng.
