Shillong, Risaw 23: Ki shipai BSF da ka jingtrei shitom ban khanglad ia ki nongkhaii beain sha Bangladesh kila ioh ban kem ia ki jingdih pynbuaid ha khappud bad Bangladesh na jan shnong Muktapur bad kine ki jingdih kila kot sha ka T.16 lak tyngka.
Ki shipai BSF kila ioh ban kurup ia kitei ki jingdihpyn buaid katba ki dang pynlong ia ki jingkhynra ia ki kali kiba leit ba wan sha jan khappud bad ka Bangladesh, ki shipai BSF kila ioh ruh ban kurup 27 tylli ki masi nalor ki jingdih pynbuaid ia kaba la aiti sha ki PPP ba don ha Muktapur ban leh ia kaba don kam.
Ki shipai BSF kila ioh ban bat ia kawei ka kali Pick up kaba don ia u number ML-05-AC kaba la thep ia ki jyntah pynbha briew bad kiba kit ki khlem lah ban pynbiang ia ki kot ki sla, la ioh ruh ban kurup ia ki mar bam bad ka kyaid na khappud bad ka Bangladesh.
