Shillong, Nailar 29: Ki shipai BSF kiba don ha khappud bad ka Bangladesh ha Dangar ka East Khasi Hills District kila ioh ban kurup kawei ka song kaba don ia ki jingdeng skhor bad ka dor jong ki kala kot sha ka T.10 lak tyngka.
Ki nongkhaii beain kila phah kit ha ki briew ban pyrung sha Bangladesh hynrei ka jingdon jong ki BSF kiba la peitngor bha ha khappud kila ioh ban beh thogn ia ki nongkit ia kine ki jingiakhaii beain, ha kane ka jingshah beh ha ki BSF kila bret ia ki jongkit bad phet krad ban lait na kti ki shipai.
Ki BSF kila iathuh ba kine ki nongkhaii beain kila pynkit iaki mar ha ka por jan miet bala kem dum, ha kane ka jingiabeh na kaliang jong ki nongkit nongkila phet bak bad ki shipai BSF kila ioh ban kurup ia ki song bala ieh da ki nongkit.
Ha kane ka song kaba la ioh bn kurup kiba bun eh dei ki jingdeng skhor jong ki kynthei bad ki iit ban deng kah sngi, na ka liang jong ki BSF ha dien ba kila pyndep ia ki jingdon kam katkum ki kyndon ain la aiti ia kine ki mar ki mata sa ki Customs kiba don ha Dangngar.
