Shillong, Naitung 16: U Bah Thomas Passah President Youth Wing jong ka party KHNAM u la ong
ba u sngew lyngoh ba ka jingtrei bad khaii Jong ki bymdei ki riewlum ha ka jylla Jong ki trei khlem tradeing licence ka iai bteng khlem khien snep ia ka iktiar Jong ka District council.
U tei u nongialam jong ka KHNAM u la kynnoh ba ki ophis sorkar India kiba don ha ka jylla Jong ruh la iohi ba Kim patiaw ia ka Bor ka iktiar Jong ka Council kumba la pynkhamti lyngba ka sixth scheduled. La ong ba kaba jia dang shen la ioh jingtip ba kawei ka tender Jong ka NEIGRHMS la aiti ha ka agency kaba na New Delhi ha ka 13 July 2020, bad kane ka agency kam don iaka trading licence na ka KHADC.
Ha ka jingshisha ka NEIGRHMS kadei ban punthikna ba ki bymdei ki riewlum kiba file ia ka tender ki dei ban punthikna ba ka trade licence kan dei kawei na ki kot kiba donkam ban ai ha ryngkat ka financial bid. Ka council ruh kaba dei ban peit ia kine baroh bad ka dei ban thoh sha baroh ki central government office ban pynthikna ia kane.
Ka Seng ka suba ba don ki bor kiba lehse kiba shim kabu ia ka jingtlot ka council naka bynta ban ioh nong shimet, namar ka khubor ki ba ka seng ka ioh ka long ba ki don ki riewlum khasi ki ba thep tender ha ka dor kaba kham duna hynrei ia ka tender la ai sha ki ba na Delhi ha ka dor kaba kham rem.
Ka KHNAm Youth Wing ka dawa ba la KHADC ne JHADC kan thoh sha baroh kine ki ophis treikam ka sorkar India ba ia trade licence kin hap ban pynthikna sha ban ai tender sha ki bymdei ki riewlum. Ka seng kan sa phah ka jingthoh Sha ki council bad Sha ka NEIGRHMS bad kin wat bniah ruh ia kane ka Kam lyngba ka RTI.
