Shillong, Nailar U Myntri ka Tnad kam jngohkai pyrthei u bah Paul Lyngdoh mynta ka sngi ka 13 tarik u Nailar 2024 u la pyntip ba ka kam ban pynkynriah ia palat 200 ngut ki nongshong dukan madan kala sdang khnang ban pynlong ia ka Khyndailad kum ka Jaka iaid kjat u paidbah bad ka jaka iaput iatem ban khring bad pdiang ia ki nongwan shangkai sha Shillong.
U la ong ba ka kam ban pynkynriah ia ki nongshong madan ka la sdang bad u kyrmen ba yn lah ban pyndep ia ka kham kloi katba lah katba ngi dang iohlum ia ki jingtip ia ki mar ki mata ba kine ki dukan ki die namar ngim lah ban shah ia 3-4 ngut ki briew.
La ong ba kiba die ia kajuh ka mar, ba kin don ha shijaka. Ki don katto katne ki nongdie madan kiba pyndonkam ia ka ding bad kum ia kane ngi hap ban pynthikna ia ka jingshngain, ngi dang khmih ia kine kiei kiei baroh.
U bah Paul u la ong ruh ba ka sorkar kan sa pynmih biang shen ia ka jingpynbna ba thymai halor kane ka kam. U la ong ruh ba ka thong jong ka sorkar ka long ban pyndep ia ka kam hapoh ka 15 tarik Nailar hynrei namar ka jingpynithuh ia ki mar ki mata bad ki kyrteng jong ki kyrteng, kala shimpor ban ia kaei kaba ngi la khmih lynti.
U bah Paul u la pyntip ruh ba nga la kren ia u CEO ka SMB bad ula ai khubor ba kila sdang bab pynkynriah ia ki nong shong dukan madan, bala ithuh ia ki jaka shong dukan madan bad mynta ki dang pynbeit mano ban shong hangno, ka ban shong ruh ha ka mar ba ki pyniaid iew.
U la pyntip ba kane ka kam kan ym shim por shuh namar ngi kwah ban leh ha kata ka rukom kaba ki nongshong dukan madan ruh kin sngew ba ki iadonbynta lang bad ba ngi leh ia ki kam na ka bynta ka jingbha jong ki.
Kumba nga ong ha phi, ngi la nang pynbun ia ki jingtei kiba donkam kynthup ka jaka die dukan madan kaba la shna bha na ka bynta ka bha ka miat jong ngi.
