Shillong, Jymmang 04: Mynta ka sngi ki pulit ka Mariang Police Station kila pdiang ar tylli ki ejahar na ha kaba ia dei bad ka jingshah bom iap ki ar ngut ki rangbah hapoh ka shnong Nongthliew kaba hap hapoh jong ka Eastern West Khasi Hills District ha ki paidbah ha ka sngi Thohdieng.
Ka kyrteng jong ki ba khlad ha kane ka jingjia shah bom shnong ha shnong Nongthliew u wei la tip kyrteng kum u bah Masmandra Kharkylliang 54 snem ba poi shong kha sha ka shnong Shyrwang bad u bah Melar Kurbah 36 snem dei na Shyrwang bad poi sha khang sha shnong Demthring hapoh Hima Nongspung.
U Sordar jong ka shnong Shyrwang u la iathuh ba ia ka ejahar kaba dei na ka liang jong u Masmandra Kharkylliang la ai da kiba ha iing bad na ka liang jong ka kurim mynta ka sngi sha ki pulit jong ka Mairang Police Station, katba na ka liang jong u Melar Kurbah ruh kila ai ia ka ejahar ha Mairang Police Station.
Halor kine ki ar tylli ki ejahar kiba ki pulit kila ioh mynta ka sngi ki pulit kin sdang ban tohkit ban lap ia kiba don kti ha kane ka kam ban bom ia pyniap ia kitei ki ar ngut ha ka sngi Thohding ha shnong Nongthliew ban ioh ban kem ia kiba don kam katkum ka ain.
