Shillong, Iaiong 05: Ki MLA kiba ia khappud bad ka jylla Assam kiba hap hapoh jong ka West Khasi Hills bad Ri Bhoi District kila phah khanglut ia ki lynti iaid ban ia rung ia mih ki briew ha pdeng ka jylla Meghalaya bad Assam.
U Bah Kimfa S Marbaniang MLA jong ka Rambrai u la ong ba ia ki lynti iaid kiba dei ban rung sha Assam na Meghalaya la phah khanglut khnang ba ki briew kin nym ia rung ia mih hapdeng kine ki ar tylli ki jylla ia ki lynti khappud la phah khanglut.
U bah Gigur Myrthong MLA jong ka Mawthungkut u la iathuh ba baroh ki lynti iaid sha Assam la khang, ia ki briew ruh ym shah shuh ba kin ia rung ia mih, kiba ia rung ia mih ki don lai tylli, kawei ha Nongshram, Dainadubi bad Athiabri.
Ia kiba wan na Assam la shah ba kin rung tang ia kito kiba la dep ban test hapoh kitei ki khyrdop lada kim don ia ki kot bala pynshisha bala dep ban test kim shah ia ki briew ban rung.
U bah Sosthenes Sohtun MLA jong ka Jirang u la phah khanglut ia baroh ki lynti iaid ban ia rung ia mih sha Assam, ka khang ruh ia ki briew na Meghalaya ba kin leit sha Assam bad kumjuh ia ki briew ba kin wan na Assam.
Ka iaid mynta dei tang ha Surok bah Shillong Guwahati kaba dei ka surok ba pynpoi ia ki marbam mardih, ia ki kali kit mar ruh la hap hapoh ka jingpeit bniah jong ki briew ka tnad ka koit ka khiah la test ia ki briew shuwa ban kin shah ban rung sha Meghalaya.
Haba ia dei bad ka Mawhati, u Bah Charless Marngar MDC u la leit hi da lade ryngkat bad ki bor shnong ban khang ia ki lynti iaid baroh ba ia rung ia mih bad ka jylla Assam.
Kiwei ki lad khubor la iathuh ba kane ka juh ka rukom hapoh jong ka Nongpoh bad Umroi konstitwensi ruh ki paidbah kila ia khang ia ki surok ban ia rung ia mih sha ka jylla Assam.
