Shillong, Iaiong 27: Ka Khasi Students’ Union upper Shillong circles ka dap da ka jingsngewlyngngoh ka ba khraw ban iohsngew ia ka jingpur khana shaphang ka jingpyrshang jong ka sorkar Meghalaya ban die jaka lyngba ka tnad Khlaw ha Mawñianglah Upper Shillong sha ka tnad Shipai suiñ Eastern Air Command.
Ka KSU upper Shillong circle ka pynpaw ïa ka jingpyrshah ka ba jur lada ka ne ka jingpur khana ka dei kaba shisha, kum ba ka seng ka ba ju kyntu na ka por sha ka por lada dei ïa ki Shnong, ki Kur, Hima ne ïa ki tnad ba pher jong ka Sorkar ba kim dei ban lilam ïa ki jaka ki puta sha ki tnad shipai.
Namar la juh ïohi naka por sha ka por ba ka jingdon jong ki ktem shipai khamtam ha Sor Shillong ka pynthut shibun eh ïa ka ïaid ka ïeng jong ki nongshong Shnong, bad khamtam lei ka tnad Sorkar ka ba dei peit ïa ki khlaw.
Ban pynen pynsah ia ki khlaw ki btap jong ka jylla ki ba ai shibun ki jingmyntoi ia ki nongshong Shnong jong ka jylla ba kin lilam noh sha ki tnad shipai ka ba lah ban wanrah ïa shibun ki jingeh bad ka jingthut ka iaid ka ieng jong ki trai Shnong bad ki Shnong ki ba marjan.
Kane ka lah ban wanrah ia ka jingsyier bad ka jingmynsaw ia ki nongshong Shnong ki ba iaid lyngba kine ki jaka, namar kumba ka paw ba ki tnad shipai ki ju byrngem wat ban siat iap ia ki ba bakla iaid sha ki jaka jongki la ka long da ka ktien ne da ki jingthoh.
Na ka liang ka seng kan nym shong kli kti ha kaba iadei bad kane ka kam ka seng hi kan sa bud dien na ka tnad khlaw(Forests) ioh lehse ka tei la jingthmu ka dei kaba shisha.ka kyrwoh na u Samla Shngaiñlang Sohklet President KSU upper Shillong circle bad u Samla Shelkitbok Kharbani general secretary KSU upper Shillong circle.
