Shillong, Nohprah 11: ka seng jong ki nongtrei hapoh jong ka MeECL mynta ka sngi kila shim ia ka rai ba lada kim lah ban ioh ia ka tulop ha 15 tarik mynta u bnai ha katei ka sngi kin pynlong ia ka jingiakhih sangeh trei kam.
U President jong ka All MeECL Union Association u la ong ba kila buh ia ka por ba ka sorkar kan pynlait ia ka tulop mynta ka sngi hynrei kam shym la lah ban leh kumba kila dawa kumta kila shim ia ka rai ba lada kim ioh ha shuwa ka 15 tarik mynta u bnai kin pynlong ia ka jingiakhih da kaba sangeh trei kam.
Na ka liang jong ka AMUA kala pynbna ba lada kim ioh ia ka jingdawa jong ki kila pynbna ba lada kim ioh ia ka tulop ha katei ka sngi kin dang bteng shuh shuh ia ka jingiakhih ka jong ki da kaba shah thngan ha ka 16 bad 17 tarik mynta u bnai da ki nongkitkam bad ha ka 21 tarik kin pynlong biang ia ka jingiakhih da kaba sangeh ban maramot lada don jingduh.
Ha ka 12/01/2021 baroh ki nongtrei kinshim shuti bad ha ka juh ka sngi kin leit ban tur sha Secretariat ha ka 18/01/2021 kin pynlong ia ka jingiakhih ba kin nym ia treilang bad ha ka 22/01/2021 kan don ka jingpynlip light ha ka jylla baroh kawei.
Kitei ki dei ki rai kaba kila shim ha ka jingialang mynta ka sngi ha Lumjingshai, kane ka long ban pynpaw ia ka jingbittar jong ki namar kibor ba pyniaid ia ka MeECL kim shym la sngap ia ka jingdawa ka jong ki ha kaba ia dei bad ka tulop. U General secretary jong ka seng u bah Arju Dkhar u la pynshai sha ki nongtrei ha kaba shim ia kine ki rai ha kane ka jingialang kaba la long mynta ka sngi.
