Shillong, Jylliew 05: U Mytnri Rang bah ka jylla u Conrad K Sangma mynta ka sngi u la leit ban jurip ia ki jaka bala shah ktah jur eh ha ka jingshlei um ha ki jaka ba madan ha Garo Hills ha kaba bun bah ki briew kila hap phet sha ki jaka ba kham shngian ban lait na ka jingshlei um.
Ki jaka kiba la shah ktah palat ha kane ka jingshlei um ki long ka thian Silkata, Namabila bad Haripur, ha kane ka jingleit jurip u myntri rangbah u la sam ruh ia ki marbam sha kiba la shah ktah ha ka jingshlei um, u la leit ban jngoh ruh ia ki jaka sah kiba la buh kyrpang ia kiba shlei um.
U Myntri rangbah u la leit da ka lieng ban lap da lade ka jingshah ktah ki paidbah na kane ka jingshlei um u la ia kynduh ia ki briew kiba la kynriah iing sha jrong surok bad ban lait na ka jingpoi ka um.
Ha kane ka jingleit ki ophisar n ka tnad sorkar kila synrang lang ia u myntri rangbah ka jylla ha kane ka jingleit bna jngoh ia ki shnong ki thaw , ki long iing kiba shah ktah ha kane ka jingslei um ha ki bynta jong ki jaka ba madan jong ka Garo Hills.
