New Delhi, Sept 18: Ka Kynhun Myntri ba la khlieh da u Myntri Rangbah Duh, Narendra Modi ha ka jingialang ha ka 18 tarik u Nailur, 2024 ka la ai jingmynjur ia ka PradhanMantriJanjatiyaUnnat Gram Abhiyanha kaba ka jingmang tyngka ka long T.79,156 klur.
Ka bynta ka sorkarpdeng: T.56,333 klur bad sorkar jylla T. 22,823 klur ban kyntiew ia ki jinglong jingman ha ka imlang sahlang bad ka ioh ka kot ha ki jaka rilum.
Kane kan peit ia kumba 63,000 tylli ki shnong ka ban ai jingmyntoi ia kumba 5 klur ngut ki riewlum. Kan don ha 549 tylli ki distrik, 2,740 tylli ki block kiba don ha ki shnong ba bun paid ki riewlum ha 30 tylli ki Jylla bad UT.
Kane ka sienjam ka don 25 tylli ki sienjam bad skhim ban pyntreikam da 17 tylli ki tnad sorkar. Man ka tnad kan peit ia ka jingpyntreikam ia ka skhim kaba iadei bad ka ha ka por ba la buh lyngba ka pisa kaba la ai ia ki hapoh ka Development Action Plan for Scheduled Tribes (DAPST) ha kine ki 5 snem ban wan.
Kawei na ki skhim ka dei ka Tribal Home Stays-SwadeshDarshania kaba yn pyntreikam da ka tnad Kam Jngoh Kai. Ban pyndonkam ia ki lad kiba don ha ki jaka rilum bad ban ai shuh shuh ki lad kamaijakpoh ia ki rilum, yn kyntiew 1000 tylli ki homestay hapoh ka SwadeshDarshanlyngba ka tnad jngohkai.
Ha ki shnong ba don ki lad jngohkai, yn pynbiang pisa ia ki longiing jong ki riewlum bad ka shnong ban shna 5-10 tylli ki homestay ha kawei ka shnong. Man ka longiing ka lah ban ioh T 5 lak ban shna ar tylli ki kamra ba thymmai bad haduh T 3 lak ban pynthymmai ia ki kamra ba la don lypa bad T 5 lak na ka bynta ki jingdonkam ha ka shnong.
Ka India ka don10.45 klur ngut ki briew ST katkum ka khanasamari 2011 bad don palat 705 tylli ki jaitbynriew rilum kiba sah ha kylleng ka ri, ha ki jaka ba kham jynjar ban poi.
Ka PradhanMantriJanjatiyaUnnat Gram Abhiyanka thmu ban pyndap ia ki jingduna ha ki jingdon jingem ha ka imlang sahlang, ka koit ka khiah, ki lad kamaijakpoh lyngba ki skhim bapher bapher jong ka Sorkar India ban pynthikna ia ka roi ka par kaba iaineh jong ki jaka rilum bad ki jaitbynriew katkum ki jingshem bad ka jingjop jong ka PMJANMAN (PradhanMantriJanjatiAdivasiNyayaMahaAbhiyan).
Ia ki shnong riewlum ban don hapoh ka Abhiyan yn pyni hapoh ka rynsan PM Gati Shakti Portal ha kaba ia ki jingduna yn kdew da ki tnad ba iadei bad ka jingdonkam katkum ka skhim. Ia ka jingiaid shakhmat jong ka kam yn peit lyngba ka rynsan PM Gati Shakti bad yn ai khusnam ia ki distrik ba lah ban treikam bha duh.
