Shillong, Nailar 18: Ka tnad ka koit ka khiah mynta ka sngi kala pyntip ba la test COVID-19 positive 24 ngut mynta ka sngi, na East Garo Hills 1, East Khasi Hills 6, Ri Bhoi 5, South Garo Hills 1, South West Garo Hills 3, West Garo Hills 7, West Khasi Hills 1 ngut.

Kiba dang shitom na kane ka jingpang haduh mynta ki don 463 ngut, kiba la koit mynta ka sngi ki don 25 ngut bad kiba don ha ki hospital ban shna sumar na kane ka jingpang ki long 32 ngut haduh mynta ka sngi.

Kiba la test COVID-19 positive baroh ki long haduh mynta 96246 ngut, kiba la ioh ia ka jingkoit baroh ki long 94188 ngut bad kiba la khlad noh na ka daw jong kane ka jingpang baroh ki long 1613 ngut haduh mynta.