Mynta ka sngi la test COVID-19 positive 128, kiba la koit ki long 88 ngut: Dr Aman

Shillong, Risaw 7: U Director ka tnad ka koit ka khiah u Dr Aman War mynta ka sngi u la pyntip ba, kiba la test COVID-19 Positive ki long 128 ngut, East Khasi Hills 72, Ri Bhoi 33, West Garo Hills 11, South Garo hills 3, West Jaintia hills 2, East Jaintia Hills 2, North Garo Hills 1 bad kiba shitom mynta baroh ki long 2411 ngut.

Napdeng kine kiba la test COVID-19 positive mynta ka sngi na ki 72 ngut ha East Khasi Hills District, 27 ngut ki dei kiba don ka jingiajan bad kito kiba la don ia ka jingpang COVID-19 bad na ki shnong kiba la test positive na Qualapatty ki long 16 ngut.

Kiba la ioh ia ka jingkoit mynta ka sngi baroh ki long 88 ngut, East Khasi Hills 69, East Jaintia Hills 7, North Garo Hills 5, West Garo Hills 5, Ri Bhoi 2 bad kiba la koit baroh na kane ka jingpang haduh mynta kila kot sha ka 4694 ngut, kiba khlad ki long 60 ngut baroh haduh mynta.