Shillong, Nailur 23: U Director ka tnad ka koit ka khiah u Dr Aman War mynta ka sngi u la pyntip ba kiba la test COVID-19 positive mynta ka sngi ki long 170 ngut, East Khasi Hills 117, Ri Bhoi 37, West Garo Hills 5, North Garo Hills 5, West Jaintia Hills 3, East Jaintia Hills 3. Kiba shitom haduh mynta ki long 2060 ngut.
Kiba la koit mynta ka sngi ki long 153 ngut ha ka jylla baroh kawei, kiba la koit haduh mynta ki long 2859 ngut, kiba la shim nongmuna haduh mynta ki long 136932 ngut kiba la test Negative ki long 131071 tylli bad kiba la wan phai sha ka jylla ki long 39808 ngut haduh mynta.
Kiba khlad na kane ka jingpang kiba la shim ha ka jingkhein mynta ka sngi ki long saw ngut bad ka jingiap na kane ka khlam COVID-19 kala kiew sha ka 42 ngut, kiba khlad kiba la shim jingkhein mynta ka sngi ki long ka Raina Begum 68 snem na Mahendraganj, u Abdul Hasin Jhalupara, u Depak Dutta 75 snem na Circuit House Kench’s Trace Shillong bad u Sudip Karmarkar 41 snem na Laban.
