Shillong, Naitung 08: Mynta ka sngi ka seng KSU kala bteng biang ia ka jingkhynra ia ki nongtrei bylla ha ki jaka pyntrei bapher bapher jong ka thain Mawlai bad Mawpren ban pynthikna ba ki nongtrei ki dei ban don ia ka Work Permit.
Kane ka long shibynta na ka KSU ka dawa na ka sorkar ban pyntrei kam noh ia ka Inner Line Pemit ha kane ka jylla Meghalaya bad kumjuh ruh ia ka Meghalaya Residence Safety and Security Act 2016, kane ka dei ka jingsdang kaba ka KSU kala khynnra ia ki mynder.
U samla Eddie Robin Malngiang general secretary ka KSU shnat Mawlai Mynta ka sngi ha ka jingkhynra kala phah leit noh ia ki 117 ngut kiba wan trei bylla ki bym biang ia ki kot ki sla, na kitei kiba la ioh ban bat kiba don ia ki EPIC ki don tang 6 ngut, ka laiang jong ka KSU katba ka sorkar kam pat pyntrei kam ia ka ILP lane ia ka MRSSA ka seng kan dang iai bteng ia kane ka jingkhynra.
U samla Aristone Thabah President Ka KSU shnat Mawpren la ong ruh ba mynta ka sngi kila pynlong ia ka jingkhynra kiba wan trei ha ki jngtrei bapher bapher ha kaba kila ioh ban bat bun ki bar jylla kiba la jan poi spah ngut kiba khlem kot khlem sla bad ka seng ka juh pynkynmaw ia ka sorkar haba ia dei bad kane ka bynta bad ki kwah ban pyntreikam noh ia ka ILP bad pyntrei kam noh ia ka MRRSA.
Nongialam ka seng KSU kala kyntu ia baroh ki nongpyntrei kam ha ki jaka bapher bapher ba ki briew kiba wan trei kin biang ki kot ki sla, khlem ki kot ki sla kiba biang ka seng kan beh beit lada kim don kot don sla, kum ka seng kan dang iaid bteng ia kane ka jingkhynra.
