Shillong, Rymphang 7: Mynta ka sngi ki nongialam jong ka United Democratic Party (UDP) hapoh ka jingialam jong u bah Mighter Marwein bad katto katne ki riew rangbah kila pyniasoh sha ka party NPP ha ophis trei kam ha Lachumier.
Haba kren ha ki lad pathai khubor u Bah Mighter u la ong ba ka jingrung jong u sha ka party UDP ka long ban shakri ia ki paidbah ha katei ka thain, hynrei da ka jingbym biang para rangbah ngam banse ban mih noh na ka party.
La aithuh ba kala don ka jingiakren hapoh ka party ka long ba u wei u briew kawei ka kam, hynrei ha dien ka jingkhlad noh jong u MDC, ka jingkylla kala wan ha kaba ia ka tiket la shu ai sha u MLA.
Haba ia dei bad kane ka MDC shiteng samoi na ka liang jong u bah maiter u la ong ba un trei shitom ban trei na ka bynta ka party NPP, ia ka jingkhein ngan nym lah ban ai hynrei ki nongbud jong nga kan nym duna palat ia ka 2000.
U Bah Kitborlang Nongrem president ka NPP jong ka SWKH District, u la ong ba ka jingmih jong u Martin M Danggo kan ktah ia ka party, hynrei ka jingmih jong ki mynshuwa ka long halor ka nongrim ban pynioh ia ka Ranikor Civil Sub Division kata ka dei ka nongrim.
Haba ia dei bad kane ka jingleh jong ki mynta kala don ka jingiapher bad kam don ka nongrim ruh ka daw kaba biang balei ban mih, la ong ba ki nongkyrshan jong ka party naduh ki thain khappud bad ki bynta kiba sha jrong ki dang don hapoh ka party bad kane ka jingwan rung jong ki kala ai jingshngain ia ka party.
