Shillong, Nailur 01: U Dr. Wanwayroy Kharlukhi MP sha Rajya Sabha na ka party NPP mynta ka sngi u la ong ba haduh mynta ka sngi kim pat tip halor kano nongrim la khot ia ka dorbar ba kyrpang jong ka Parliament bad kane leh se ka dei tang ka jingantad.
Haba kren ha u SP News Agency mynta ka sngi ha ophis jong ka party NPP ha Lachumiere u la ong ba mynta ka sngi u dang shu phone sha u wei u Joint Secretary jong ka Parliament la ong ba haduh mynta ka sngi pat tip eiei, leh se ha ka khyllip mat khatduh kin sa buh.
Haba jubab ia ki jingkylli hato kalah ban dei kawei ka Ri, kawei ka Election bad ka Uniform Civil Code kumba la saphriang ki khubor hamsaia, na ka liang jong u MP ka Rajya Sabha na kane ka jylla Meghalaya haduh mynta ym don batip.
U Dr. Wanwayroy u la ong ngam thrai ba kin wanrah ia ka UCC namar hapoh Rajya Sabha ka BJP kam dap briew, wat ka jingong kawei ka Ri, Kawei ka Election ruh hato ki don briew ym thikna ban kin ioh ia ka jingbun paid ha Rajya Sabha.
Ia kane ka jingong ban khot ia ka dorbar ba kyrpang san sngi haduh ym pat don ba tip, lada ki khot ban pynwai noh ia ka iing dorbar, ia kane ym don kam ban khot ia ka dorbar ba kyrpang lah ban leh da kaba ai jingmut sha ka President.
Nga artatien ba ka BJP kan ioh ia ka jingbun paidbah hapoh Rajya Sabha, kumba kala don ka jingantad ha kato ka por ruh halor ka UCC, ia ka to ka private members bill, kato ka Billa kala kut hinoh.
