Shillong, Nailar 25: U myntri rangbah ka jylla u Cornad K Sangma ba dei peit ruh ia ka tnad marpoh khydnew u la pan pisa shuh na ka iing dorbar sa T.38,50,15,584 tyngka na ka bynta ban siew ia ka bhah jong ki District Council kiba don ha ka jylla.
Kane ka pisa ka dei ka bthah kaba ki District Council kin ioh na ka sorkar na ka jinglum ia ka musur namar ki marpoh khyndew kiba la pynlum da ka sorkar bad kum juh na ki kali kiba dei ka bynta jong ki District Council.
Na katei ka pisa kaba la pan na ka iing dorbar ka KHADC kan ioh T.20,14,08,278/- klur tyngka, ka JHADC kan ioh T.8,69,86,306/- klur tyngka, katba ka GHADC kan ioh T.9,66,21,000/- klur tyngka.
Kane ka jingpan u myntri rangbah ka jylla ia kane ka pisa na ka iing dorbar ka long ban ai sha ki District Council kaba dei ka bhah ka jong ki ka bai musur na ka bynta u snem mang tyngka 2024-2025.
Ha ka juh kapor u myntri rangbah ka jylla u la pan pisa shuh na ka iing dorbar T.4,60,00,000/- klur tyngka bad kane ka long ban pyntrei da ka Meghalaya Zoo Project Implementation Cociety kaba ka jingtrei ka dang iaid mynta ha Ri Bhoi District.
