Shillong, Nohprah 08: Ka District Council Affair jong ka sorkar jylla kan dei ka tnad sorkar ban pyniaid ia ka elekshon MDC sha ki District Council kiba don ha ka jylla Meghalaya, ha kaba ka KHADC bad ka JHADC kin sa pynlong ia ka elelction ban jied ia ki nongmih khmat sha kitei ki iing dorbar.
Ki thymmei khubor kiba ia jan bad tnad District Council Affair jong ka sorkar jylla la sngewthuh ba ki dang don ha ka jingpyrkhat katno ki kyrtong kiban ia khun ia ka MDC elelshon kin lah ban pynlut ha ka elelshon MDC ka ban long ha u snem 2025.
Ki lad khubor ki pynsngew ba kan don ka jingpynkiew ha ka jingpynlut na ka bynta ki kyrtong ha kane ka MDC ka ban sa long namar ka jingkiew dor ha iew ha hat, haba ia nujor hynriew snem mynshuwa bad mynta, hynrei ka tnad District Council Affair ka dang pynkhreh ia kane ym buh haduh katno ki kyrtong MDC kin pynlut.
Ka jingpynkhreh na ka liang jong ka DCA ban pynlong ia ka elekshon sha ki ar tylli ki iing dorbar jong ki District Council ka KHADC bad ka JHADC kala dang iaid sha khmat bad shen ka tnad DCA kan lah ban pyndep shuwa ban pynba ia ka elelshon.
