Shillong, Naiwieng 13: Haba ia dei bad ka jingjia hapoh Sabuda na ka liang jong kibor jong ka District Administration ka Ri Bhoi District kila phah ia ki pulit ban tohkit ban la ia ka jingshisha halor ka jngkynnoh noh bala wanbuh Mawnongrim na ka liang ka jylla Assam.
Haba kren ha u SP News Agency u BDO jong ka Umsning u Raja Brahma ba dei ruh u magistrate la iathuh ba kila ioh ia ka jingujor bad la phah ki pulit ba don ha Mawlasnai ban leit ban jurip, na ka liang jong ki pulit kim shym lap ia Mawnongrim kutma ia kaei kaba jia ym pat lah ban pynthikna bha namar ka jingtohkit ka dang iaid.
Katkum ka jingioh khubor la iathuh ba katei ka jaka kaba la kynnoh bala buh mawnongrim ka dei ka Sabuda Hawang kaba jngai kumba 5 km na Jatalong, kumba ka long mynta kim lap, lehse ka Assam kala rah noh ne kumno namar kane ka jaka ka don ha ka jingiaknieh, na ka liang ong u BDO ka Umsning u la ban biang ba ia mynta ym pat lah ban ong ei ei halor katei ka jingjia.
Katkum ka jingtip la ong ba na ka liang kibor jong Karbi Anglong Autonomous District Council kila buh mawnognrim ban shna ia ka IB jong ka tnad khlaw, hynrei la kynnoh ba ki paidbah katei ka thain kila pynpra noh ia u mawnognrim shiteng synia namar kane ka jaka ka dang don ha pdeng ka jingiakren pynbeit hapdeng ka Assam bad Meghalaya.
Na u Mawnongrim bala paw kyrteng la wan thung da u Dr. Tuliram Ronghang CEM jong ka Karbi Anglong Autonomous District Council, u MP katei ka jaka u Horensing Bey, u Rupsing Teron MLA bad u Avijit Kro dkhot ka MAC ba dei na katei ka jaka, ia u Mawnongrim la buh ha ka 12/11/2022.
Katkum ki jingtip kiba la ioh la sngewthuh ba kam shym don kata ka jingpyntip ia ki nongkit kam shnong ba kan don kum kane ka jingbuh Mawnongrim, ha katei ka thain ki don kumba 18 tylli ki shnong Khasi kiba hap hapoh ka Block II.
