Shillong, Naitung 02: U Superintendent ki pulit jong ka West Garo Hills u V S Rathor la pyntip ba mynta ka sngi ha ka por kumba 11.30 baje mynstep kawei ka Trok ki shipai BSF kaba don ia unumber AS-01-KC-1775 kab dei na ka kynhun 181 Bn kala phail break na Nakham Bazar ha Tura bad kala pynjulor ki 6 tylli ki kali bad mynsaw saw ngut ki briew.
Ha kane ka jingjia kiba la mynsaw ki long u nongniah ka Trok BSF bad u nonbud bad ar ngut ki riew paidbah, ki kali kiba la julor ha kane ka jingia tyngkhuh kali ki long ka kali number ML-09A-7499, ML08A500,WB-24Y-4936, WB-22U-1145, AS-01E-2600,AS-01/AG-1480. Kiba mynsaw baroh kim shym la mynsaw jur hynrei kila mynsaw malu mala.
Na ka liang jong u SP ka West Garo Hills la iathuh ba la ujor da ka ejahar ha Tura Police Station bad ka jingkynnoh ka long ba kane ka jingiatyngkhuh kali ka dei na ka jingphail break ka Trok , hynrei la ong ba ia ka jingtip kaba shai kdar yn sa tip ynda la dep ia ka jingtohkit.
