Shillong, Risaw 08: U Superintendent ki pulit pyniaid kali, u Dr. Hari Prasanth M.R., IPS, East Khasi Hills, Shillong ha kaba la ong ba u la ioh ka jingujor ha ka 4 tarik, Risaw, 2026, ha Lumdiengiri PS ba kawei ka ar shaka ka Royal Enfield Hunter 350 (Graphite Grey) kaba don ia u registration No. ML-05-AF-7596 kala shah tuh na Riatsamthiah Block-II.
Ha kaba iadei bad katei, la dep ban registar da ka mukotduma ha Lumdiengiri PS C/No. 136/2026 U/S 305(b) BNS bad ka jingtohkit ka dang iaid shakhmat.
Ha ka por ba don ka jingtohkit bad jingdon ki sakhi sabut, la ong ba ha ka 7 tarik Risaw 2026, u bah Shabamutlang Syiemlieh 23 snem, uba shong ba sah ha Mawpun, Golflink, Shillong u la shah kem.
Haba kylli jingkylli, u la ong ba u la donkti lang bad uwei ia uba la tip kum u bah Cornelius Mukhim 20, ba shong ba sah ha Mawlai Mawroh, Shillong bad la kem ia kine baroh ar ngut. Ha ka por ba kylli iaki, kila phla ba ia kine ki ar shaka ba ki tuh, la shalan tuh sha Bangladesh.
Hynrei ka jingtohkit ka dang iaid shakhmat na ka bynta ban ithuh bad tip ia kiwei kiba donkti ha katei ka kam tuh bad ban lap ksai iaka jingdonkti kaba kham khraw.
